Ætli ég hafi þjáðst af miklum smjörva-skorti í fyrra lífi?

Nú er bara að sannfæra dýrin sem fyrir búa á heimilinu að hvolpur sé málið... bjartsýna ég

Berglind Inga, s. 868 5037, SÍMAFYRIRTÆKI OG TRYGGINGAFÉLÖG BÖGGIÐ MIG !!!

Fékk símtal áðan frá Tal.  Símtalið var í grófum dráttum svona:

Símagaur sem ég man ekki eftir að hafi kynnt sig:  Þú ert með númer skráð hjá okkur hérna hjá Tal.
Ég: Nei, reyndar ekki.
Símagaur: Nú, ertu nýfarin?
Ég: Já.
Símagaur:  Bíddu, varstu eitthvað ósátt eða?  (Núna fékk ég á tilfinninguna að ég hefði verið að dömpa honum...)
Ég: Já, reyndar...
Símagaur spurði út í hvað ég hefði verið ósátt við, ég man ekki orðrétt hvernig það hljómaði.
Ég: Það var bara svo dýrt.
Símagaur:  Bíddu, ertu þá hjá Nova eða...?
Ég:  Nei, Vodafone.
Símagaur: Og helduru að það sé eitthvað ódýrara eða...?
Ég:  Ég held ekkert um það. Mitt eigið bókhald sýnir mér það svart á hvítu.
Símagaur:  Við erum samt með lægsta mínútuverðið.
Ég:  Heyrðu vinur, svona dömp-símtöl gera fyrirtækinu þínu ekkert gott...
Símagaur:  Það nær þá ekki lengra...
Ég:  Nei, blessaður.

Að þessu tilefni getum við rifjað upp dömp-símtalið þegar ég dömpaði Símanum.

Ef þig langar svona hrottalega að selja mér tryggingu, SENDU MÉR E-MAIL !!!

Þessi pirringur var í boði Tryggingamiðlunar.

Afrakstur helgarinnar er þessi æðislega prjónageymslu-taska!   Og svo prjónaði ég eins og 15 cm. í peysunni sem ég er að prjóna mér, sjá hér.

Í síðustu viku vann Varmalandsskóli sinn riðil í Skólahreysti, verið viss um að missa ekki af því í sjónvarpinu 21. febrúar. Ég hef illan grun um að ég sjáist í mynd... við skulum vona að ég þekkist ekki innan um alla unglingana

Blessunarlega er Dýrið ekki farið að hafa áhyggjur af þessari áráttu, honum finnst ég bara þjóðleg og sæt þar sem ég sit í stólnum sem Hólmfríður langamma átti og prjóna úr einspinnu

Nú er laugardagur og ég var vöknuð kl. 8.30 í morgun. Ósanngjarnt og óeðlilegt!  Fyrir hádegi var ég búin að þvo tvær þvottavélar, lesa 86 bls. í Myrká, prjóna nokkrar umferðir í Þríhyrnu og hekla nokkrar umferðir í poka. Dagurinn fer í prjón og hekl og notalegheit - LOVE IT

Prjónarar/heklarar, Ravelry er himnaríki prjónarans/heklarans. ÆÐISLEG síða þar sem maður getur haldið öllu til haga,funrið uppskriftir, leitað ráða og gleymt sér heilu og hálfu tímana...  

Farin að prjóna !  ...og það er víst töff að prjóna

P.S.  Lagið sem stúlknasveitin Elektra flytur í kvöld fer fyrir Íslands hönd í Eurovision.  Ég mun minna ykkur á þessa spá mína þegar íslenska þjóðin er búin að kjósa þetta lag sem sitt framlag.

Ég hef ekki farið á tvö síðustu þorrablót svo væntingarnar eru gígantískar!  Og það skal skjalfest að ég var tilbúin (jebb, algjörlega tilbúin) hálftíma áður en húsið opnaði, sem gerir klukkutíma áður en geimið byrjar !!!  ÚJE 

Í kvöld prjónaði ég vettlingapar. Eða altså, ég prjónaði tvo hægri vettlinga...Í ÞRIÐJA FOKKINGS SKIPTI !

Þetta fer að verða einkennandi fyrir prjónaskap minn

Ég er gífurlega hörð á Grænfánanum. Ég slekk alltaf ljósin, ljósrita báðum megin og læt börnin skila mér ritun í tölvupósti í stað pappírs.

Í vikunni var ég að ljósrita verkefni. Bara eitt A4 blað á hvern nemanda, alls 15 eintök. Ég skellti í ljósritunarvélina, valdi 15 eintök og skrapp á klósettið meðan ég beið.

Kom svo aftur og ljósritunarvélin var komin upp í 33 eintök. Af 115 sem hún hafði verið beðin um. DAMN IT!  Náði að stoppa kvikindið en sat uppi með rúmlega helmingi fleiri eintök en ég ætlaði mér. 

Ég verð POTTÞÉTT kosin starfsmaður mánaðarins!

Þegar ég fór inn í rúm að lesa var ég búin með einn hægri vettling. Þumall og frágangur að vísu eftir en samt!

Í dag hélt ég svo áfram að prjóna. Rétt áðan kláraðiég annan vettling. Til allrar óhamingju var hann líka hægri vettlingur... Ég stend uppi með tvo hægri vettlinga með svaka flottu mynstri. Þekkir einhver einhvern með tvær hægri hendur?

Dýrið minnti mig á að ég hefði gert þetta sama (þ.e. prjónað tvo hægri vettlinga) fyrir u.þ.b. tveimur árum. Þá mundi ég að eftir það ætlaði ég aldrei að prjóna vettlinga aftur...

Oh well... farin að prjóna annað par af vettlingum. Ætla að reyna að hafa það á sitthvora höndina í þetta skiptið

Hamingjan gefi þér gleðileg jól
gleðji og vermi miðsvetrarsól.
Brosi þér himinn heiður og blár
og hlýlegt þér verði komandi ár.
                                                  (Höf. ókunnugur)

 Veistu ef þú vin átt,
þann er þú vel trúir,
og vilt þú af honum gott geta,
geði skaltu við þann blanda
og fjögum skipta,
fara að finna oft.
                                             (úr Hávamálum)

Takk fyrir ánægjulegar stundir á árinu sem er að líða, ómetanlegan stuðning í krefjandi aðstæðum og sanna vináttu.

Berglind Inga

Af hverju?

Jú... eins og ég er hæf til prjóns og hekls get ég ekki föndrað. Það sannaði sig heldur betur í gær!

Ég ætlaði að líma gráu gúmítotuna á rassin á auðkennislyklinum mínum. Uhu-stifti dugði ekki til svo ég greip í límbyssuna. BIG MISTAKE!

Undir styrkri stjórn drengjanna í bekknum mínum (stúlkurnar voru fjarri góðu gamni) stakk ég límbyssunni í samband og fékk hraðnámskeið í notkun slíkrar græju:

"Settu í samband"  TJÉKK
"Settu lím-staut í gatið"  TJÉKK
"Bíddu þar til þetta hitnar"  TJÉKK

Og svo beið ég.

Og beið.

Og beið meira.

Kvartaði: "Þetta hitnar ekki"

Fékk svarið: "Ertu búin að setja byssuna í samband?"  (þvílíka trúin sem þeir hafa á kennaranum sínum!)

Beið aðeins meir, tók svo í gikkinn svo límið gumsaðist á blaðið sem ég hafði sett á borðið til að sóða ekki út. Potaði þumlinum í gumsið. BIG MISTAKE!!

Helvítis BRENN-FOKKING-SJÓÐANDI HEITA límið festist (auðvitað!!) við þumalinn og hóf að brenna sér leið inn í mig. Fingur vinstri handar brugðust skjótt við og komu til bjargar. Og hverju bjargaði það?

Jú... Umsjónarkennari 9. bekkjar var með hægri þumalinn límdan fastan við blað og alla fingur vinstri handar límda saman. Með þessu fylgdu vel valin blótsyrði.

Ég ætla ALDREI að föndra aftur !!!

Dýrið að lesa. Ef vel er að gáð er hægt að sjá hitt dýrið þarna einhvers staðar...

Svona fer námsmatið fram:

Skrifaðu nöfn nemenda sem á að meta á miða. Aðeins eitt barn á að vera á hverjum miða. Settu miðana í hatt/húfu/poka...

Finndu þér tvo venjulega teninga.

Fyrst dregur þú nafn barns upp úr hattinum/húfinu/hverju-sem-þið viljið. Síðan kastar þú teningunum. Samanlögð útkoma teninganna tveggja er einkunn nemandans fyrir önnina. Með þessu móti er tryggt að enginn fái undir tveimur. Fáir þú 11 eða 12 skaltu kasta aftur.

Góða skemmtun!

Það verður lesið yfir hausamótunum á einhverjum (*hóst* 9. bekk *hóst*) á morgun! Ég var búin að panta fullt af flottum vinningum !!

Annars er lífið bara ljúft í sveitinni. Jólahlaðborð í vinnunni á morgun og vonandi mikið stuð. Allir hafa hlutverk á morgun og ég er í "leggja á borð og skreyta" -hópnum. Ég velti því fyrir mér hvort ég sé svona leiðinleg að mér sé ekki treyst fyrir því að vera í hóp sem sér um skemmtiatriði...